Хәбәр

20 сентябрьдә Татарстан Дәүләт Советында 2010 елда җирле үзидарә органнары эшчәнлеген иң яхшы оештыру белән бәйле конкурсларга йомгак ясалып, җиңүче- ләрне бүләкләделәр. Бүләкләнүчеләр арасында зәйлеләр дә бар. Кадер авыл җирлеге башлыгы Римма Зайцева "Авыл җирлекләре органнарының иң яхшы җитәкчесе" номинациясендә Дәүләт Советы Мактау хаты, «Яңа шәһәр» территориаль иҗтимагый җирле үзидарә җитәкчесе Тамара Тыткина "Территориаль иҗтимагый җирле үзидарә җәмәгать башлангычы" номинациясендә җиңүче булып танылды һәм Диплом белән бүләкләнде.