Афәрин,”Мирас”!

4-12 сентябрьдә гимназиянең "Мирас" вокал төркеме (җитәкчесе Вәлиуллина Ә. Х.) "Алтын Мәйдан Крым-2014" Халыкара фестивалендә катнашып I һәм II дәрәҗә дипломнар, Әлфия Вәлиуллина Крым республикасы Евпатория шәһәре һәм Чувашия республикасы мөселманнары рәисе Ф. А. Гыйбатдинов исеменнән Рәхмәт хатлары белән бүләкләнде. Шулай ук 2015 елда Якутиядә узачак "Дуслык күпере "Җәй -2015 халыкара фестивалендә катнашу өчен чакыру алдылар. Фестивальдән тыш, алар татар моңы белән кырым татарлары Сабантуенда да катнашты. "Мирас" төркемен бу җиңүләре белән котлыйбыз һәм аларга киләчәктә дә иҗади уңышлар телибез. Афәрин,"Мирас"!