Бәрәңге һәм ипи турында

Иске Зәй мәдәният йортында "Бигрәк тәмле бәрәңге" дип исемләнгән кичә-конкурс узды. Анда Кондрабаевлар, Романовлар, Тихоновлар, Әхмәтшиннар гаиләләре көч сынашты. Чара бәрәңге турында җырлар белән аралашып барды. Анда катнашучылар төрле бәйгеләрдә үзләрен сынады. Иң кызыклысы, бәрәңгедән ризыклар пешереп килү иде. Соңыннан әлеге ризыкларны авыз итү булды.

Үзәк китапханәдә уку залында ипигә багышланган китап күргәзмәсе эшли. Анда ипигә мәдхия укылган китаплар, газет-журналлардан материаллар урын алды. Күргәзмә укучыларда зур кызыксыну уятты.