Музейда – дәресләр

Моннан 168 ел элек Зәйдә чиркәү приход мәктәбе ачыла. Музей хезмәткәрләре шул уңайдан 1нче мәктәп укучылары белән «Туган мәктәп» дип исемләнгән шөгыльләр уздырды. Алар иң элек укучыларга ул чорның уку әсбаплары турында сөйләде. Математика дәресендә балалар счет ярдәмендә мәсьәләләр чиште, чиста язу дәресендә каурыйны карага манып язу укучыларны аеруча гаҗәпкә калдырды, кат-кат язып карадылар, ә әдәбият дәресендә «Бәхет өчен кешегә нәрсә кирәк?» дигән сорауга җавап эзләделәр, мультимедияле презентацияне бик ошаттылар.