Традиция буенча – мәйданда

8 июльдә - Гаилә, мәхәббәт һәм тугрылык көнендә зәйлеләр "Энергетик" Мәдәният сарае каршындагы мәйданга гаилә бәйрәменә җыелды. Анда өлкәннәр дә, балалар да рәхәтләнеп күңел ачты, "Каприз" бию төркеме кызларының чыгышларын карап, дәртле җырлар тыңлап ял итте. Традицияне дәвам итеп, быел да ЗАГС хезмәткәрләре мәхәббәт һәм тугрылык медальләре әзерләгән иде. Аларны шәһәр башкарма комитеты җитәкчесе Сергей Максимов 35 ел бергә гомер кичерүче мөхтәрәм шәһәрдәшләребез Галина һәм Евгений Овчинниковлар, Раушания һәм Илгизәр Әхмәтҗановларга тапшырды.