Зәй үзәк китапханәсендә дустанә аралашу сәгате үтте

Чарада 2нче мәктәпнең VII сыйныф укучылары катнашты. Балалар "толерантлык" сүзе төшенчәсе белән таныштылар.

Толерантлык башка милләт кешеләренә карата түземле һәм ихтирамлы мөнәсәбәт кенә түгел, бәлки бер-берсен аңлый белү, кешеләр, сыйныфташлар арасында яши белү дә икәнен белделәр. Укучыларга әдәби геройларның гамәлләрен бәяләү өчен әдәби әсәрләрдән өзекләр тыңларга тәкъдим ителде.

-Балалар "Бәхетне ничек табарга" дигән гыйбрәтле хикәяне тыңладылар, әсәрдә нәкъ менә толерантлык сыйфатларын үзеңдә ничек тәрбияләргә кирәклеге турында сөйләнә. Катнашучылар өчен “Толерант бул” уены  да үткәрелде,- ди китапханәче Зинаида Юдина.