Зәйнең яшь биючеләре булдыра

Чаллы шәһәрендә үткән "Энҗе бөртеге" республика иҗат фестивалендә Зәйнең "Энергетик" Мәдәният сараеның "Улыбка" балалар хореографик ансамбле I дәрәҗә лауреат исемен яулады. Ансамбльнең урта төркеме - "Авыл кызы", "Күршеләр", кече төркем "Урман чишмәсе", "Шүрәле" бию-тамашасын күрсәтте. Агымдагы елда 35 еллык юбилеен билгеләп үтүче ансамбльнең берничә буын балаларга бию сәнгате серләрен төшендерүче алыштыргысыз җитәкчесе - Татарстанның атказанган мәдәният хезмәткәре, "Мәгарифтәге эшчәнлеге өчен" медаль иясе Лидия Нестягина.