Җиңү арты җиңү яулый

Музыка мәктәбе коллективы төрле дәрәҗә конкурс-фестивальләрдә даими катнашып, укучыларның сәләтен күрсәтү, таныту өстендә актив эшли. Азнакайда электрон музыка уен коралларында уйнау осталыгы буенча узган региональ бәйгедән дә зәйлеләр зур уңыш белән кайтты. Серафима Федорова - I, Аня Гандрих - II, Аграфена Федорова III дәрәҗә лауреат булды. Кызлар өчесе дә фортепиано классында (укытучылары О. Б. Федюнина) укый һәм шул ук вакытта цифрлы фортепиано һәм синтезаторда да шөгыльләнә. Жюри аеруча VI сыйныф укучысы Серафиманың катлаулы оригиналь оранжировкалы пьесаны оста итеп җиткерә алуын ассызыклады.