Зәй үзешчәннәре – башкалада

Казанның зур спорт объектларында ярышлар барган арада шәһәрнең төрле мәдәни үзәкләре, парклар, ял мәйданчыклары да бушап тормый. Узган якшәмбедә районның иҗат коллективлары, аерым башкаручылары чыгышларыннан торган зур концерт программасы казанлыларга һәм Универсиада кунакларына Авыл хуҗалыгы министрлыгы каршындагы мәйданда күрсәтелде. Зәйнең сәнгать әһелләре, төрле авылларның милли фольклор ансамбльләре, балалар сәнгать коллективлары районыбызда яшәүче төрле милләт халыкларының дус-тату яшәвен, гореф-гадәт, мәдәниятлары белән алмашып яшәүләрен чагылдырды.