Зәйдә – яңа композиция

Соңгы елларда шәһәрне яшелләндерүгә зур игътибар бирелә. Әледән-әле яңа композицияләр, вазоннар өстәлә. Ә менә шул вазоннарда күзгә күренеп тиз арада матур булып үсеп киткән гөл-чәчәкләр игътибарны җәлеп итеп әллә каядан күренеп тора.

Төзүчеләр урамын өч катлы чәчәк вазоннары бизи. Ә менә Җиңү проспекты буйлап ике катлы вазоннар куелган. Бу көннәрдә алар сафына өстәлгән велосипед-вазон зәйлеләрдә аеруча кызыксыну уята. "Горзеленхоз" белән "Управдом" ҖЧШ идея-фантазияләрен эшкә җигеп, гөл-чәчәкле вазоннар, велосипед-вазон булдырды. Велосипедның утыру урынына гөл-чәчәкле вазон куелган. Һәркемнең күңеле үзенчәлекле, үзгә әйбергә тартыла шул. Әнә шул вазоннар, композицияләрне саклыйсы иде. Матурлык дөньяны коткара дигәннәр бит.