Зәй укучылары «Бөтен нәрсәне белем генә хәл итә: белгеч белән аңлатабыз!» төбәк акциясенә кушылды

Акциянең төп бурычлары XI сыйныф укучыларын БДИ формасында дәүләт йомгаклау аттестациясен үткәрүнең төп үзенчәлекләре белән таныштыру гына түгел, ә балаларга үз көчләрен сынап карарга, педагоглар белән бергә контроль-үлчәү материалларының күрсәтмә версиясен эшләгәндә алынган нәтиҗәләрне анализларга өйрәтү дә. Акция "эшлекле уен" формасында оештырылуы белән дә гадәти түгел, монда ППЭ җитәкчесе белән бергә аудиториядә һәм аудиториядән тыш оештыручы, техник белгечләр һәм иҗтимагый күзәтүчеләр буларак, имтиханнарны бер елдан соң гына тапшырачак укучылар да катнаша. Күпчелек чыгарылыш сыйныф укучылары мондый чаралар - педагоглар, экспертлар белән очрашуларның кыенлыкларны җиңеп чыгуда ярдәм итәчәген яхшы аңлыйлар.
17 декабрьдә акциягә Зәй мәктәпләре дә кушылды. 6нчы мәктәп базасында узган “Барысын да белем генә хәл итә: белгеч белән тикшерәбез” акциясендә XI сыйныфтан – 64, X сыйныфта белем алучы 10 укучы катнашты.
“Алар аудиториядә оештыручылар, аудиториядән тыш оештыручылар, җәмәгать күзәтүчеләре сыйфатында үзләрен сынады. Муниципаль дәрәҗәдә йомгак ясалганнан соң, укытучылар биремнәрне үтәгәндә укучыларның типик хаталарына анализ ясаячак”, - ди мәгариф идарәсе методисты Венера Әюпова.

Фотолар район мәгариф идарәсеннән. 
 

#образованиетатарстан #ГИА2023 #сдаемвместетатарстан #сдаемвместе2023 #готовимсявместерт #готовимсякГИА)