Зәй укучылары коткаручылар ролендә дә сынатмады

Казанның " Костер" балалар сәламәтләндерү лагеренда 16-19 сентябрьдә Гадәттән тыш хәлләр министрлыгы башлангычы белән "Куркынычсыз мәктәп" республика бәйгесе оештырылды. Анда төрле район мәктәпләреннән 41 команда үз уку йортлары иминлеген саклау буенча белемнәрен, мөмкинлекләрен сынауда көч сынашты. Ярышларда безнең район данын 1 мәктәпнең IX-X сыйныф укучылары яклады. Биш малай һәм өч кыз гадәттән тыш хәлләрдә үзләрен ничек тотарга кирәклеген, коткару эшләрендә катнашу үзенчәлекләрен күрсәтте, хәрби, физик әзерлектә сыналды.