Зәйнең ике укытучыcы” Иң яхшы укытучы” грантларына ия булды

Бу көннәрдә иң яхшы укытучы грантларын отучылар билгеле булды. Республика күләмендә иң-иңнәр арасына безнекеләрнең дә керүе - зур горурлык. 2нче мәктәпнең башлангыч сыйныфлар укытучысы Гөлсинә Хөснетдинова "Россиянең иң яхшы укытучысы" грантын отып, 200 мең сумга лаек дип табылды. Ә 4нче мәктәпнең рус теле һәм әдәбияты укытучысы Гөлнар Хуҗина республиканың "Иң яхшы укытучысы" исемен алып, 100 мең сум грант белән бүләкләнде. Әлбәттә, бу мәртәбәле бүләкләр артында укытучыларның тырыш хезмәте, балаларның сыйфатлы белем алуы өчен шартлар тудыру ята.