Программалар – зур таяныч

Хакимияттә эшмәкәрләр, социаль тармак җитәкчеләре катнашында кече һәм урта эшмәкәрлеккә агымдагы елда кертелүче программалар турында зур сөйләшү булды. Аны башкарма комитет җитәкчесенең икътисад буенча урынбасары Павел Байрашев алып барды. Район программалардан кыю файдалана. ТР инвестицион үсеш агентлыгы белгече Роза Лотфурахманова 2012 ел программалары - "Лизинг-грант", "Инновацияләр һәм технологик модернизация" субсидияләре, "Социаль бизнес" грантлары турында тулы мәгълүмат җиткерде. Зәйдә кече бизнесны үстерүгә перспектива бар, программалардан кыю файдаланырга кирәк, диелде утырышта. "Бизнес-проект" ҖЧШ белгечләре җиткергән мәгълүмат та кызыклы булды. Соңыннан эшмәкәрләр белгечләрдән үзләрен кызыксындырган сорауларга җавап алды.