Җәйге ялны хәстәрләп

Шәһәр Советының законлылык, регламент һәм депутат этикасы буенча даими депутат комиссиясе утырышында сүз җәйге чорда шәһәр пляжында ял итү өчен халыкка уңай шартлар тудыру хакында барды.

Иң башта депутатлар урынга чыгып, коену сезоны өчен нәрсәләр оештыру кирәклеген барлады. Бирегә ком китертү, су анализын алу, коткару эше өчен көймә, круглар, беренче ярдәм күрсәтү пунктын җиһазлау, медицина препаратлары белән тәэмин итү кирәклеге ачыкланды.

Әлеге эшне тиз арада оештыруга контрольлек билгеләнде.