Курслар үткәрелә

Өлкән кешеләрнең сәламәтлеген кайгырту, профилактик чаралар турында искәртү максатын күздә тотып, «Космос» яшьләр үзәгендә үзәк дәваханә табиблары тарафыннан махсус курслар оештырыла.

Анда теләгән өлкән кешеләр йөрәк, кан тамырлары, күз, буыннар, эчке органнар һ.б. авыруларны булдырмау яисә язгы чорда аларның көчәеп китүенә юл куймау өчен профилактик чаралар турында лекцияләр тыңлый ала. Төрле сорауларга җаваплар алу мөмкинлеге тудырыла.

Укулар 9, 11, 15, 16, 18, 24 апрельдә көндезге сәгать 1дә башлана.