Әниләр өчен махсус клуб

"Шатлык" халыкка социаль ярдәм күрсәтү үзәгенең "Үз-үзеңә юл" ("Путь к себе") клубы инде ике ел дәвамында физик мөмкинлеге чикләнгән балалар тәрбияләүче аналарның чын мәгънәсендә ял итү, эч серләре белән уртаклашу, психолог киңәшләрен алу урынына әйләнде. Клуб җитәкчесе, психолог Маншук Тимергалиева, физик мөмкинлеге чикләнгән бала тәрбияләүче ана кеше өчен психологик яктан нык булу бик мөһим, шуңа күрә вакыт-вакыт аларга күңел бушануы ясап алу файдага, ди. Биредә 30га якын әни даими җыелып уртак проблемалары белән уртаклаша, аларны чишү юлларан эзли, музыка астында релаксация курслары үтә.