Үрнәк күрсәттеләр

Саулык - иң зур байлык, диләр. Чөнки ул булмаса, кеше бар нәрсәдән дә мәхрүм. Сәламәтлек - кеше бәхетенең нигезе, исәнлек булганда кеше үзенең теләк-омтылышларына ирешә, җәмгыять тормышында актив катнаша.

Сәламәт яшәү рәвешен пропагандалау максатыннан шәһәр-районда күп эшләр башкарыла. Шимбә көнне "Энергетик" Мәдәният сарае каршында оештырылган физик күнегүләр дә шуны раслый. Башкарма комитет җитәкчесе Альберт Газизҗанов үз кул астында эшләүчеләр белән гимнастика ясады. Район җитәкчелеге сәламәт яшәү рәвешен пропагандалауга зур әһәмият бирә. Мондый чара һәр шимбәдә үткәреләчәк.