Сәламәтлегеңне кайгырт

Әлеге исемдәге акция Зәй үзәк дәваханәсе хезмәткәрләре тарафыннан еш оештырыла. Аның чираттагысы кичә "Энергетик" Мәдәният сарае каршындагы мәйданда үтте. Теләгән кешеләр биредә үз үлчәү авырлыкларын, буйларын белә алды, шуларга карап норма буенча үлчәү авырлыгы күпме булырга тиешлеге исәпләнде. Күз, кан басымын үлчәп, кандагы шикәр күләмен билгеләтеп, табиб-терапевт Лидия Исламовадан сәламәтлек торышы буенча консультацияләр алу мөмкинлеге булды. Бу сәламәтлегең турында кайгырту кирәклеген искәртү, дәваханәләрдә махсус тикшеренү вакытларын кыскартып, кешеләргә уңайлылык тудыру өчен эшләнә.