ЙОКЫСЫЗЛЫКТАН ИНТЕККӘНДӘ

Һәр көнне иртән аз гына булса да урамда йөреп керү файдалы. табигый яктылык (хәтта болытлы көндә дә) тәнгә уянырга кирәклеген искәртер. Көн яктысы белән уянган тән төнлә яхшы йокларга ярдәм итә.

Йокларга ятар алдыннан йокы бүлмәсен, бераз суынсын өчен, җилләтегез. Салкынча бүлмәдә йоклау яхшырак.

Колмак күркәләре тутырылган капчык йокысызлыктан ярдәм итә. Әлеге үсемлек һавага тынычланырга ярдәм итүче хушисле матдәләр бүлә.

Колмакның укмаш чәчәкләре тутырылган мендәрне үзеңә дә әзерләргә мөмкин. Шакмак рәвешендә киселгән ике иукыма корамасын өч ягыннан да тегегез, шуңа колмакның кипкән күркәләрен тутырыгыз да дүртенче ягын да тегеп куегыз.