Зәй яшьләре яман шешне кисәтү буенча листовкалар таратты

Бүген Бөтендөнья яман шешкә каршы көрәш көне уңаеннан район яшьләр эшләре идарәсе белгечләре, шәһәр урамнарына чыгып, яман шешне кисәтү буенча листовкалар тараттылар. Белгечләр фикеренчә, яман шеш авыруларын үз вакытында табибка күренеп, махсус курслар үткәндә җиңәргә мөмкин, иң мөһиме, аны иртә стадиядә ачыклау. Ә яман шешне булдырмый калуның тагын бер мөһим үзенчәлеге ул тәмәке төтененнән саклану икән, шуңа да тәмәкенең зыяны турында белү кирәк. 2016-2018 еллар дөньяда яман шешкә каршы көрәш лозунгы астында үтәчәк.