Төзекләндерү эшләре башланды

Күпфатирлы йортларда капиталь ремонт барышы депутатлар контролендә. Никифоров урамының 79 һәм 81нче йортларында капиталь ремонт барышы турында шәһәр Советы депутаты Валерий Акатьев сөйли.

- Никифоров урамының 79 һәм 81нче йортлары "Идарәче компания торак-коммуналь хуҗалыгы" ҖЧШенә карый. 79нчы йортта ремонт эшләрен - "Заинск-кровля" ҖЧШ, 81нче йортта "Управдом" ҖЧШ башкара. Ике йорт өчен дә капиталь ремонт ясауга килешүләр рәсмиләштерелде. Аванс түләү мәсьәләсе хәл ителә. "Заинск-кровля" ҖЧШ үз хисабына материал (торба) алды, 79нчы йортның беренче подъезды фатирларында канализация, кайнар һәм салкын су системалары монтажлана.

"Управдом" ҖЧШ дә үз хисабына материаллар алып, 81нче йорт подвалында канализация торбалары һәм кабель монтажлый.