Әтиләр көне уңаеннан флешмоб башлап җибәрдек

17 октябрь - Әтиләр көне. Әлеге уңайдан без социаль челтәрләрдә тематик флешмоб башлап җибәрдек.

Флешмобта катнашу өчен үзегезнең инстаграм битегезгә  “Әти белән бергә эшкә”,  "Әти белән бергә зарядка ясыйбыз", "Әтием-үрнәк", "Әтием киңәше", "Әтием агачы", "Әтием белән уртак эш", "Минем әти булдыра!" һ.б. әтиләр белән бәйле темаларга фото яки видео урнаштырып #әтибеләнбергәэшкә  #әтиембеләнзарядка  #әтиемүрнәк #әтиемкиңәше #әтиемагачы #минемәтибулдыра #әтиембеләнуртакэш #папаможет #деньотца,  #вместеспапой,  #папарядом #поздравимпапу хештеглары куегыз.

4нче мәктәпнең III сыйныфында укучы Артем Чупахинның әтисе Владимир “Зәй шикәре” агрофирмасында комбайнчы булып эшли. Артем бер көнне әтисе белән бергә эшкә барган.

Урып-җыю вакытында һәр көн аграрийлар өчен бер-берсенә охшаш уза, иртә таңнан торып, соңга кадәр басуда  алар.

- Әтием бик иртә торып эшкә китә һәм соң гына кайта. Мин дә бер көнне әти белән бергә аның эшенә барып, комбайнда йөрдем. Әти иярләгән комбайн - зур машина! Аның янында мин үземне бик кечкенә итеп хис иттем. Шундый зур агрегатны минем әтием йөртүе белән горурланам, - диде Артем әтисенең эшендә бер көн булып кайтканнан соң.

Фотолар Чупахиннарның шәхси архивыннан.