Алдан белү өчен

Зәйдә сәламәтлек саклау өлкәсендә Татарстанда эшләүче программа нигезендә район үзәк дәваханәсендә ана карынында ук баланың нинди паталогияләре булуын ачыклаучы перинаталь скрининг үткәрү актив алып барыла. Бу йөклелекнең 12 атнасында махсус УЗИ үтү һәм кан анализлары аша эшләнә. Үзәк дәваханә бу төр тикшерүләр үткәрү буенча Түбән Камага карый. 2013 елда перинаталь скринингны районыбыздан 463 йөкле хатын узган. Шуларның 9ы җентекле тикшерү узу өчен Казанга җибәрелгән.