“Ачык ишекләр” көне үтте

Федераль салым хезмәтенең Татарстан Республикасы буенча 11нче районара инспекциясе узган атнада, гражданнарның салым законнары турында хәбәрдарлык дәрәҗәсен күтәрү һәм физик затлар кеременә салым буенча декларацияләр тутыру тәртибе, шулай ук Россия салым хезмәтенең онлайн сервислары мөмкинлекләрен аңлату максатында, "Ачык ишекләр" көне үткәрде.

Ике көндә инспекциягә 775 кеше килгән, 523 салым декларациясе кабул ителгән, 23 гражданин "Физик затларның шәхси кабинеты" электрон сервисына тоташкан.

Шунысын да әйтик, физик затлар 2013 елда алган керемнәр буенча декларацияне яшәү урыны буенча салым органына 30 апрельдән дә соңга калмыйча тапшырырга тиеш.