Атна эчендә өч зәйле коронавирустан вафат булды

Узган атнада Зәй районында 5 кеше үлгән булса, шуның 3се - коронавирустан, дип хәбәр иттеләр район үзәк дәваханәсеннән.

Хәзерге вакытта вируслы пневмония диагнозы белән 127 кеше амбулатор дәвалануда. Дәваханәнең йогышлы авырулар бүлегендә 57 кеше, реанимациядә – 10 кеше ята.

Бүгенге көнгә район халкының 55 проценты вакциналаштырылган. Covid-19дан беренче прививканы -18 435, икенче компонентны 14 303 кеше ясаткан.