Аукцион аша сайланачак

Шәһәр-авылларда хуҗасыз эт-мәчеләрнең күбәеп китүе белән бәйле проблемалар чыгып кына тора. Халык гозерләрен белү максатыннан Зәйдә урнаштырылган "Ышаныч тартмасы"на да хуҗасыз хайваннарның санын киметүне сорап язган хатлар салынган иде. Әлеге проблема бер Зәйгә генә хас түгел. Район җитәкчелеге, халык гозерен исәпкә алып, бюджеттан бу максатлар өчен субвенция бүлүне хәл итте. Хәзер хуҗасыз хайваннарның санын көйләү, аларны тотып алу белән шөгыльләнүче махсус оешманы сайлау буенча аукционга документлар әзерләү эше бара.