Айлык бара

Урта һәм өлкән сыйныфларда укучылар өчен шәһәр-районда "Хокук белемнәре" айлыгы бара. Аның кысаларында төрле чаралар үткәрүдә "Космос" яшьләр үзәге дә актив катнаша. Укучылар өчен кеше хокуклары, алкоголь, тәмәке һәм наркотикларның зарары турында лекцияләр укылды, сөйләшүләр үткәрелде, "Минем әти Барышников" фильмы күрсәтелде. Мондый чаралар шәһәрнең татар гимназиясе, 2нче һәм 6нчы мәктәпләре, шулай ук Поручик, Ал. Бистәсе, Чыбыклы, Сарсаз-Баграж, Югары Шепкә, Югары Пәнәче авылларында укучылар белән оештырылды. Тиздән аңа Бигеш, Бохарай, Иске Маврин һәм коррекция мәктәбе укучылары да тартылачак.