Бакчада – әти-әниләр

29 октябрьдә "Салават күпере" балалар бакчасында Ачык ишекләр көне үтте. "Балалар бакчасы - ачык система" шигаре астында үткән чара бай эчтәлекле иде. Бу көнне әти-әниләр балаларның шөгыльләре, белем һәм тәрбия процессының төп юнәлешләре белән якыннан танышты, тәҗрибәле педагоглар һәм белгечләр аларны кызыксындырган сорауларга җавап бирде, балалар үз һөнәрләрен, осталыгын күрсәтте. Бу юлы 30га якын әти-әни бакчаның эш шартларын үз күзләре белән күрсә, киләчәктә алар саны артыр дигән өмет бар. Мондый формада аралашу ике як өчен дә отышлы, чөнки эш барышында һәр фикер-тәкъдим зур әһәмияткә ия һәм учреждениенең ачыклыгы тәэмин ителә.