Баскетболчылар Зәйгә җыела

21-22 гыйнварда 7нче мәктәп спортзалында республика күләмендә уздырылучы мәктәп баскетбол лигасы чемпионатының төбәк этабы үтә. Анда Зәй, Әгерҗе, Алабуга, Мамадыш, Менделеевск, Минзәлә, Сарман, Тукай, Актаныш районнары, Чаллы шәһәре командалары көч сынашачак. Зәй районы данын биредә тренер Алексей Ревин кул астында шөгыльләнүче 4нче мәктәпнең егетләр командасы һәм тренер Хәким Камалетдинов җитәкчелегендәге 7нче мәктәп кызлары командасы яклаячак. Җиңүче командалар республика финал ярышында катнашу хокукы алачак.