Белсәң – хат сал!

Зәй шәһәр прокуратурасы наркоманиягә һәм наркоҗинаятьчелеккә каршы көрәшүгә киң җәмәгатьчелек игътибарын җәлеп итү максатында үзенчәлекле эш алымы куллана. Алар шәһәрдә, авылларда наркотиклар сату урыннары һәм гомумән наркомания белән бәйле гамәлләрне белгән кешеләрнең махсус тартмаларга адресларны күрсәтеп хат салуларын сорый. Тартмалар Крупская урамы 6, Нефтьчеләр урамы 41, Чапаев урамы 3, Иске Зәйдә Орджоникидзе урамы 49нчы йортларында һәм һәрбер авыл җирлеге идарәсендә урнаштырылган. Моннан тыш, шәһәр прокуратурасында 7-06-94 номеры буенча ышаныч телефоны эшли.