Белсәң – хәбәр ит

Шәһәр прокуратурасы наркоманиягә һәм наркоҗинаятьчелеккә каршы көрәшүгә киң җәмәгатьчелек игътибарын җәлеп итү максатында үзенчәлекле эш алымы куллана. Алар шәһәрдә, авылларда наркотиклар сату урыннары, гомумән, наркомания белән бәйле гамәлләрне белгән кешеләрнең махсус тартмаларга адреслар күрсәтеп, хат салуын сорый. Тартмалар Крупская урамы 6, Нефтьчеләр проспекты 41, Чапаев урамы 3, Иске Зәйдә Орджоникидзе урамы 49нчы йортларда һәм һәр авыл җирлеге Советында урнаштырылган. Моннан тыш, шәһәр прокуратурасында 7-06-94 номеры буенча «ышаныч телефоны» эшли.