Безгә ышаныч белдерелде

Билгеле булганча, 6 июльдә Казанда Универсиада старт ала.

Спорт ярышлары белән беррәттән, башкала Универсиада кунакларына көн саен күптөрле мәдәни чаралар да тәкъдим итәчәк. Аларда Россия төбәкләре һәм республиканың иң көчле башкаручылары, иҗат коллективлары катнашачак.

Шунысы игътибарга лаек, Универсиада ачылуның беренче көнендә үк Игенче сарае каршындагы мәйданның олы һәм кече сәхнәсендә чыгыш ясауны Зәй һәм Балтач районнары үзешчәннәренә ышанып тапшыралар. Хәзер безнең үзешчәннәр әлеге җаваплы концертка әзерләнә. Шунысын да әйтик, зәйлеләр биредә Оренбург, Саратов, Чабаксар, Йошкар-Ола, Төмән һәм Казан башкаручылары белән бергә чыгыш ясаячак.