Безнекеләр булдыра

Балалар музыка мәктәбендә шөгыльләнүче яшь музыкантлар бу көннәрдә төрле шәһәрләрдә узган берничә конкурста катнашып, уңышлы чыгыш ясады.

Чаллыда үткән яшь башкаручыларның VI региональ конкурс-фестивалендә Эмилия Романова, Юлиана Герасимова һәм Эмиль Сәлахов составындагы инструменталь трио - II, рус халык уен кораллары оркестры, аккордеончылар дуэты (Ярослав Корнилов, Илдар Гайнетдинов) һәм балалайкачылар дуэты (Иван Тулынин, Станислав Малов) III дәрәҗә лауреат исемен яулады.

Казанда узган халык сәнгатенең "Саекмас чишмә" республика конкурс-фестивалендә "Лель" рус җыр ансамбле - II, Кристина Краснова, Илдар Гайнетдинов III дәрәҗә лауреат булдылар. Ирина Фурсова дипломант исемен алып кайтты.