Безнекеләр дә бар

Дүшәмбе Казанда "Корстон-Казан" комплексында Социаль хезмәткәрләр көненә багышланган тантана узды. Анда "Татарстан Республикасы социаль хезмәт күрсәтү учреждениесенең иң яхшы хезмәткәре" дип исемләнгән республика конкурсына (7 номинациядә) йомгак ясалды. Тантанада бездән социаль яклау идарәсе башлыгы Эльмира Хуҗина җитәкчелегендә бер төркем социаль хезмәткәр катнашты. Конкурс нәтиҗәләре буенча төрле номинацияләрдә җиңү яулаган халыкка социаль ярдәм күрсәтү үзәге директоры Лидия Ларионова, валеолог Эльмира Вәлиәхмәтова, социаль педагог Оксана Яковлева бүләкләнде.