Чаллыда шартлауда зыян күргән биш кешенең ни хәлдә булуын хәбәр иттеләр

26 октябрь иртәнге сәгать 7.00гә булган мәгълүматлардан күренгәнчә, Чаллыда торак йортта көнкүреш газы шартлау нәтиҗәсендә биш кеше зыян күргән, дип хәбәр итә "Татар-информ" МА.

2004 елгы 17 яшьлек үсмер ашыгыч ярдәм хастаханәсендә реанимациядә авыр хәлдә. 2010 елгы 11 яшьлек баланы Чаллының Кама балалар медицина үзәгенә күчергәннәр.

1951 елгы 70 яшьлек ир ашыгыч ярдәм хастаханәсендә реанимациядә авыр хәлдә. 1999 елгы 22 яшьлек кыз кичә хастаханәдә операциягә әзерлек барышында вафат булган.

1973 елгы хатын-кыз Чаллы хастаханәсенең кабул итү бүлегенә мөстәкыйль мөрәҗәгать иткән, дәвалау-диагностика чараларыннан соң амбулатор дәвалануга җибәрелгән.