Чаралар күп булды

Кичә Халыкара гаилә көне иде. Әлеге уңайдан шәһәр-районда күптөрле чаралар үтте. Үзәк китапханәдә "Гаилә - бәхет ачкычы" дип аталган күргәзмә һәм гаилә турында китап укучылар белән әңгәмәләр оештырылды, шәһәр мәдәният йортында (Мирный бистәсе) "Гаилә традицияләре" исемле әдәби композиция, "Энергетик" Мәдәният сараенда "Бер гаилә булып" ял кичәсе, яшәү урыны буенча "Яшьлек" клубында "Бу минем балам" уен программасы оештырылды, авыр хәлдә калган берничә гаилә "Шатлык" халыкка социаль хезмәтләр күрсәтү үзәгендә бер көнлек ялда булды. Бүген исә ЗАГС бүлегендә көмеш, алтын туйларын билгеләп үтүче гаиләләрне хөрмәтләү тантанасы уза.