Фермер мәктәбе: Авылда үз эшен ачарга теләгән кешеләр өч көнлек укуга чакырыла

Сез әле үз эшегезне башламадыгызмы, әмма ул кабатланмас булырга тиешлеген төгәл беләсезме? Сез үзенең агробизнесны ничек башларга икәнлеген белмисезме? Бу сорауларга «ФерМир» фермер мәктәбендә җавап бирәчәкләр, дип хәбәр ителә ТР Яшьләр эшләре министрлыгы сайтында.

Белем бирү программасы 3 блоктан тора: «Бизнесны башлап җибәрү», «Үсеш юллары» һәм «Авыл хуҗалыгы бизнесын алга җибәрү». Чараның төп максаты - крестьян-фермер хуҗалыгы өлкәсендә эшмәкәрлек эшчәнлеге нигезләренә өйрәтү, эшмәкәрләргә үз эшләрен уңышлы башлау өчен кирәкле белемнәр һәм осталыклар формалаштыру, авыл яшьләре арасында бизнес-планлаштыру күнекмәләрен үзләштерү һәм эшкуарлыкны популярлаштыру.

Мәктәп тәмамлангач, һәр катнашучыга дәүләт үрнәгендәге сертификат тапшырылачак, ул Татарстан Республикасы Авыл хуҗалыгы һәм азык-төлек министрлыгының грант конкурсларында өстәмә баллар алуны күздә тота.

Анда катнашу өчен авылда үз бизнесларын башларга теләүчеләр, яшь фермерлар, шулай ук бер елдан ким эшләүче крестьян-фермер хуҗалыклары башлыклары чакырыла. Катнашу өчен 22 октябрьгә кадәр сылтама буенча онлайн форма тутырырга кирәк.