Грант оту – мөмкин эш

Зәйдә "Татарстан - яңа гасыр" иҗтимагый хәрәкәте башлангычы белән "Социаль әһәмияткә ия проектларга грант бирү" темасына вебинар узды. Анда мәдәният, яшьләр эшләре идарәләре һәм социаль яклау бүлеге хезмәткәрләре катнашты. Алар алдында Татарстан Хезмәт, мәшгульлек һәм халыкны социаль яклау министрлыгының кадрлар әзерләү һәм тармак үсеше үзәге өлкән методисты Н. Н. Сафиуллина чыгыш ясады. Ул чарада катнашучыларга социаль әһәмияткә ия проектлар эшләү методикасын аңлатты, вебинарда катнашучылар сорауларына җавап бирде. Әлеге эшчәнлек белән кызыксынучы оешмалар, учреждениеләр теләк-тәкъдимнәрен www.tnvrod.ru сайты аша җиткерә ала.