Игелекле гамәл

Зәйнең "Космос" яшьләр үзәгендә, катлаулы операция таләп ителүче кечкенә шәһәрдәшебез Софья Жвакинага ярәм йөзеннән хәйрия концерты оештырылды. Анда музыка мәктәбе, балалар иҗат йортында шөгыльләнүче, шәһәребез мәктәпләрендә белем алучы талантлы балалар чыгыш ясады. Концерттан җыелган акча Жвакиннар гаиләсенә кызчыкны терелтү өчен тапшырыла. Яшьләр үзәге хезмәткәрләре әзерләгән "Я сделал доброе дело" дип язылган магниткаларны да сатып алырга теләүчеләр шактый булды. Хәйрия чарасында күпчелек мәктәп укучылары катнашуын искә алсак, балаларның мәрхәмәтле гамәлләргә битараф булмавы сөендерә.