Җир бирү башланды

Россия Президентының 3 һәм аннан күбрәк балигъ булмаган һәм тәрбиягә алган баласы булган гаиләләргә бушлай җир кишәрлеге бирү турында карарын үтәү йөзеннән районда күп балалы гаиләләргә җир бирү эше башланды. Җир һәм милек мөнәсәбәтләре палатасына беренчеләрдән булып гариза биргән 12 гаилә җир кишәрлекләрен сайлады инде. Алар, нигездә, район авылларында яшәүчеләр. Гомумән, районда 400дән артык күп балалы гаилә исәпләнә, аларның яртысы - шәһәрдә, яртысы авылларда яши.