Җитештерү дә, сату да арта

Зәй районы авыл хуҗалыгы оешмалары агымдагы елның беренче яртысында 147 миллион сумлык продукция сатты һәм хезмәтләр күрсәтте. Бу - узган елның шул чоры белән чагыштырганда, 3 процентка артык. Районда барлыгы 17977 баш мөгезле эре терлек (шуның 13858 башы - авыл хуҗалыгы предприятиеләрендә) исәпләнә. Терлекләрнең баш саны авыл хуҗалыгы оешмаларында азрак кимесә, шәхси һәм крестьян (фермер) хуҗалыкларында киресенчә, аның артуы күрсәтелә (сарык һәм кәҗәләр 3,2 процентка арткан).