Кичә Татарстанда коронавирустан сигез кеше үлгән

Республикада коронавирус инфекциясеннән тагын сигез  үлем очрагын расладылар.

Кичә – 13 октябрьдә сигез кеше коронавирустан үлгән. Әлеге мәгълүмат ТР Сәламәтлек саклау министрлыгы матбугат хезмәтеннән килде.

1941, 1949, 1950, 1953, 1957, 1959  елгы  алты хатын-кыз һәм 1941, 1959 елгы ике ир-ат коронавирус корбаны булган.  Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән.

13 октябрьгә Татарстанда коронавирустан 823 үлем очрагы теркәлде.