Кичә Татарстанда коронавирустан тагын җиде кеше үлгән

Республикада коронавирус инфекциясеннән тагын җиде үлем очрагын расладылар.

Кичә –16 ноябрьдә җиде кеше коронавирустан үлгән. Әлеге мәгълүмат ТР Сәламәтлек саклау министрлыгы матбугат хезмәтеннән килде.

1959, 1960, 1978, 1944 елгы  дүрт хатын-кыз һәм 1961, 1932, 1953 елгы өч  ир-ат коронавирус корбаны булган.  Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән.

16 ноябрьгә Татарстанда коронавирустан 1134  үлем очрагы теркәлде.