Зәйдә китапка мәдхия укылды

Бөтендөнья китап һәм авторлык хокукы көне уңаеннан Зәй үзәк китапханәсе, "Бердәм Россия" сәяси партиясенең җирле бүлеге белән берлектә, "Энергетик" Мәдәният сарае каршындагы мәйданда китап укучы зәйлеләргә флеш-моб уздырды. Әлеге көн уңаеннан мондый чараның районда беренче мәртәбә үткәрелүе. Анда актив укучылар Любовь Санникова, Халидә Садыйкова, Роза Гостенова чыгыш ясап, галиҗәнап китапның роле турында бәян иттеләр, укучылар китап турында шигырьләр сөйләде, мәкальләр әйтте. Соңыннан шәһәр урамнарында китапка мәдхия укылган буклетлар таратылды.