“Мирас” ансамбле юбилеен билгеләп үтә

Зәйдә Татарстанның атказанган мәдәният хезмәткәре Әлфия Вәлиуллина җитәкчелегендә эшләүче "Мирас" халык вокаль-хореография ансамбле оешуга - 15, "Азаль" балалар вокаль-хореография ансамбленә 5 ел тула. Әлеге иҗат коллективлары район данын республика, халыкара бәйгеләрдә уңышлы яклаулары белән билгеле. Ансамбльләрне күркәм юбилейлары белән котларга 31 гыйнварда "Энергетик" Мәдәният сараенда узачак концертка Казан, Түбән Камадан яшьләр иҗат коллективлары, "Созвездие" - "Йолдызлык" телевизион фестивале хәрәкәте генераль продюсеры Дмитрий Туманов та килер дип көтелә.