Мирный балалары өчен саф һавада күңел ачу оештырдылар

12 октябрьдә Мирный мәдәният йорты хезмәткәрләре 5нче мәктәпнең III сыйныф укучылары өчен ачык һавада «Күңелле себерке» күңел ачу программасы үткәрделәр.

- Себерке ул - урам-ишегалдын, өйне җыештыруда ярдәмче генә түгел, ә рус халык әкиятләрендә кызыклы герой да, - дип чараны башладылар мәдәният хезмәткәрләре.

Балаларның күңелен Урам себерүче һәм Убырлы Карчык персонажлары ачты. Катнашучылар 2 командага бүленеп төрлечә ярышты, уен программасына актив кушылдылар. Финишта балаларга күчтәнәчләр өләштеләр.

- Саф һавада спорт бәйрәмнәре балаларда уен күнекмәләрен үстерә, аларны сәламәт яшәү рәвешенә өйрәтә, команда рухы һәм бердәмлек хисен активлаштыра. Балалар уңай энергия һәм яхшы кәеф белән таралыштылар, - диде мәдәният йорты директоры Мария Гарәпшина.

Фотолар Мирный мәдәният йортыннан.