Мондый күләмдә – беренче

Зәй шикәр заводына район хуҗалыклары басуларыннан чимал китерү тәмамланды. Завод барлыгы 809622 мең тонна шикәр чөгендере кабул итте. Узган ел бу күрсәткеч 703373 мең тонна иде. Иң күп чималны заводка "Зәй шикәре" агрофирмасы тапшырды - 169486 тонна, бу күрсәткеч "Восток" агрофирмасында - 127046, "Зәй"дә - 110230 тонна тәшкил итә. Завод хезмәткәрләре кабул ителгән чималның 602568 тоннасын эшкәртеп, 80005 тонна шикәр комы алды. Чимал эшкәртү тулы куәткә бара.

Шикәр чөгендеренең уңышы мул булуга көзен яуган яңгырлар да зур этәргеч бирде, механизаторлар да чөгендер эшкәртү технологиясен төгәл һәм тиешле срокларда үтәде, һава торышының көзге көйсезлегенә карамастан, көнне-төнге ялгап уңышны югалтуларсыз җыеп алды.