Музей ишекләрен ача

Зәйнең юбилей елында туган як тарихын өйрәнү музее өчен дә истә калырдай вакыйга булды: биредә Зәй тарихы буенча бай фонд тупланган бинаның тузган тәрәзә блоклары һәм рамнары яңага алмаштырылды. Без, музей хезмәткәрләре, бу эшнең башында торган район башлыгы Татьяна Воропаева, ремонт уздыруга ярдәм күрсәткән "Зәй-кровля", "Управдом", "Техстрой", "Хәмиев", "Жилремстройсервис" җаваплылыгы чикләнгән ширкәтләре һәм "Рось" төзелеш компаниясе җитәкчеләренә олы рәхмәтебезне җиткерәбез.

15 сентябрьдә музей, төзекләнеп, тарих белән кызыксынучылар өчен ишекләрен яңадан ача. Бу көнне без зәйлеләрне, шәһәребез кунакларын "Ачык ишекләр" көнендә көтеп калабыз.

Р. Иванова,

туган як тарихын өйрәнү музее директоры.