Онытмыйлар

9 Май бәйрәмендә район үзәк дәваханәсендә Бөек Ватан сугышы һәм тыл ветераннарын тәбрикләү тантанасы үтте. Анда дәваханә хезмәткәрләре белән беррәттән аларның балалары да актив катнашты. Сугыш чорында һәм аннан соңгы елларда хезмәт юлын медицина белән бәйләгән ветераннарны баш табиб Владимир Гуров котлады. Тантанада катнашкан 18 ветеран элек нинди шартларда эшләүләрен искә алдылар, ветераннарның сәламәтлеген кайгыртуга игътибар бирелүенә рәхмәт белдерделәр.